දිනකට කෝපි කෝප්ප දෙකක් පානය කිරීමෙන් නිරෝගී හදවතකට හිමිකම් කීමට හැකිවන බව බොස්ටන් හි ඩෙකෝනස් වෛද්‍ය මධ්‍යස්ථානයේ පර්යේෂකයන් පිරිසක් සොයා ගෙන තිබේ.
මේ පරීක්ෂණයට අනුව කෝපි බීමට පුරුදුවූවන් හට අන් අයට වඩා සියයට 40 ක් පමණ හෘදයාබාධවලට ගොදුරු වීමේ ප්‍රවණතාව අඩු වන බව තහවුරු කරගෙන ඇත. හෘදයාබාධවලට ගොදුරු වී ඇති බවට වෛද්‍ය නිර්දේශ ලබා ඇති කාන්තාවන් හා පිරිමින් විශාල සංඛ්‍යාවක් මේ පර්යේෂණය සඳහා සහභාගී කරගෙන ඇත.
පර්යේෂකයන්ගේ තොරතුරුවලට අනුව අධිරුධිර පීඩනය හා දියවැඩියාව අඩු කිරීමට හේතුවන කෝපි මඟින් ආබාධයකට ලක් වූ හදවතකින් ශරීරය පුරා රුධිරය පොම්ප කිරීමට දරන අරගලය සඳහා සහනයක් සලසයි. මේ නිසා කෝපි පානය දීර්ඝායුෂ ලැබීමට ද හේතු වන බව පර්යේෂකයෝ පෙන්වා දෙති.
හෘදය රෝග, ශ්වසන රෝග, ආඝාතය, තුවාලවීම්, හදිසි අනතුරු, දියවැඩියාව, ආසාදන වැනි බොහෝ අවස්ථාවලදී ඇතිවන දුෂ්කරතා මඟ හරවා ගැනීමට කෝපි ඉතා වැදගත් වෙයි. එහෙත් කෝපි පිළිකාව වැළැක්වීම සඳහා හේතුවන පානයක් ලෙස පිළිනොගැනේ.
Source : Silumina