නුගේගොඩ, නාවල, කොස්‌වත්ත ප්‍රදේශයේ ආයුර්වේද සම්භාහන මධ්‍යස්‌ථානයක්‌ මුවාවෙන් පවත්වාගෙන ගිය ගණිකා නිවාසයක්‌ පෙරේදා (16 වැනිදා) සවස වැටලූ නුගේගොඩ කොට්‌ඨාස අපරාධ විමර්ශන අංශය, ගණිකා නිවාසයේ හිමිකාරිනිය, ආයුර්වේද වෛද්‍යවරියක සහ ගණිකා වෘත්තියේ නියෑලුණු බව කියන කතුන් තිදෙනකු අත්අඩංගුවට ගෙන ඇත.
අත්අඩංගුවට පත්වූවන් කෑගල්ල, තලංගම, රාජගිරිය, මැල්සිරිපුර, මාස්‌පොත යන ප්‍රදේශවල පදිංචිකරුවන් බව පොලිසිය කියයි.
නුගේගොඩ කොට්‌ඨාස අපරාධ විමර්ශන අංශය අලුත්කඩේ අංක 4 මහෙස්‌ත්‍රාත් අධිකරණයෙන් ලබාගත් සෝදිසි වරෙන්තුවක්‌ මත මෙම වැටලීම සිදුකර ඇත.
මෙම ගණිකා නිවාසයට වැඩි වශයෙන් විශ්වවිද්‍යාල සිසුන් හා වෙනත් පුද්ගලයන්ද පැමිණ ඇතැයි හෙළිවී ඇත.
දිවයින පුවත්පත ඇසුරෙනි